SUN微博:2012通識文憑試「丙」部試題大洩漏
3(d)時事填充題
請考生替新詩《賀門常開》填寫最啱聽答案。
____門常開,
煲呔_功_常來。
_哉_樓傳__。
司長局長齊__。
(學生唐誅連答案)
(趕工入伙)門常開,
煲呔(邀)功(禍)常來。
(哀)哉(毒)樓傳(惡菌)。
司長局長齊(避開)。
得分:-50分
(考評局標準答案)
(驚世設計)門常開,
煲呔(立)功(喜)常來。
(壯)哉(巨)樓傳世作。
司長局長齊(喝采)。
核卷老師評語:
學生答案目光與心胸同樣狹窄,受盡傳媒及世俗影響。隨波逐流,毫無獨立思考,只顧抒發個人意見,充分表現小器,他朝難成大器。未能掌握今日官場脈搏,不能與特區政府與時並進,如此孤芳自賞,遲早車毀人亡,故給予負50分。
核卷人:Andy仔
(歪理學校通廁科補習天王)
普通話
小明:「馬米!鵝腰殼putonghua!」
媽媽:「你講正啲廣東話先啦!」
小明:「五好,食putonghua可以周街all see,食『港凍hua』會鼻人k see o架!」
路見筆評
反地霸絕技
為反對香港土地壟斷,三位青年各出奇謀。
國強說:「我買嘢絕對唔幫襯大商家!」
肥龍說:「我租屋絕對唔買樓!」
家明說:「我雙腳絕對唔掂地!」
國強肥龍齊問:「咁都得?」
家明施施然答道:「我係艇戶。」
藏蒼蠅
終於食得落肚
就快過年,連鎖快餐店苦思要推出乜嘢新產品。
經理搲晒頭話:「豬年出豬柳包,牛年出牛肉漢堡,雞年出雞腿包,羊年都有羊肉三文治,但出年係龍年,唔通畀啲客食龍肉咩?」
「都係出豬柳包啦,老細。」蛇仔明咁話。
「因乜解究呢?」經理不解。
「因為豬說:我係屬龍o架。」
長槍鳴
重質不重量
對於名店禁止港人拍照,煲呔怒不可遏:「禿鷹,有冇搞錯!」禿鷹答曰:「呢啲商業決定,警隊好難管喎。」煲呔怒罵:「我係話人哋幾個保安就頂住全港市民,你成隊警隊都累我畀人撞心口……」
排雲掌