著名時裝設計師Johanna 何志恩同老公打本雄輝（Hiroki），帶埋兩個囡囡出席新年活動，因經常同其他品牌合作而有「交叉女王」之稱嘅Johanna，笑言近期忙於工作，所以冇為囡囡設計新衫，而對有關「D&G事件」，佢不加以評論，又話︰「人哋鍾意啲嘢先會影，櫥窗係畀人欣賞，我曾經都影過『miu miu』，嗰時人哋已經收咗工，冇人話咪冇問題。」
Johanna朋友曾喺內地商店買咗同佢設計一模一樣嘅衫，仲笑住話：「有人抄款冇得控制，惟有向第二個方向走，設計得再獨特啲！」
何志恩（右）同老公打本雄輝（Hiroki），帶埋兩個寶貝女出席新年活動，實行親子樂。
