政壇：汪阿姐唐唐西九零交流
西九管理局表演藝術政策及管理事務行政總監茹國烈，尋日拉埋「阿姐」汪明荃同傳媒茶敍。一講到遲啲喺西九搞嘅粵劇表演時，汪阿姐眉飛色舞，覺得呢次係一個好開始，但亦感慨新光戲院就快結業，令粵劇界少咗個表演場地，相信政府都會極為頭痛。咁究竟特首參選人唐唐之前做西九管理局董事局主席時做過啲乜呢？汪阿姐就話冇見過唐唐，反而現任西九董事局主席林公公就見過一次，但大家交流唔多。
至於另一位特首參選人CY梁振英，汪阿姐直言CY做咗八和顧問都有幾年，間中亦有去睇過粵劇，加上大家都係政協，所以佢都係熟CY多啲。唔知做選委嘅汪阿姐，最終會提名同支持邊個參選呢？
汪阿姐話唐英年做西九管理局三年，大家都未曾見過一面。