鋼琴王子郎朗又有新搞作，就係殺入電影圈嘞！事關佢為弗朗茨李斯特二百周年誕辰舉行嘅紀念演奏會，將會喺歐洲同亞洲嘅戲院上映，突破性將古典音樂帶上銀幕，而香港部分戲院亦會喺本月七號同八號上映。
對郎朗嚟講，李斯特係佢啟蒙導師，佢話：「我兩歲的時候看到動畫片《貓和老鼠》中的一集，Tom貓穿着燕尾服，在鋼琴上演奏李斯特的《匈牙利第二狂想曲》，這種有趣的場面一下子吸引我，李斯特的作品也令我深深愛上鋼琴。」佢話長大後逐漸了解同認識李斯特，而李斯特係佢心中嘅「鋼琴英雄」。