二○一二年啱啱揭開序幕，金融圈就忙個不停，禮拜五將會喺創業板以配售形式上市嘅中國融保尋日開記者會，其中一個主事人就係做過87年版《書劍恩仇錄》入面紅花會總舵主陳家洛嘅彭文堅。雖然告別靚仔小生，成熟咗嘅彭文堅依然有當年影子。
彭文堅拍咗幾年電視劇之後就棄影從商，05至07年做過能源國際嘅執董，更係融保嘅副主席兼創辦人，太太就係名模陳沛嘉嘞。彭文堅話，溫州資金鏈斷裂事件影響佢哋嘅上市審批，原本諗住舊年年中上市，最後要搞到依家，盤數仲核咗三次呀！
中國融保副主席彭文堅喺商界闖出新天，公司快上市，他梗係鬆一口氣喇！
