Kitty柔似水眼睛會說話

【本報記者】據有份參與《無性界之婚》的工作人員透露，Kitty平日喜以女性化打扮示人，說話時會刻意壓低聲線，盡量陰聲細氣，避免予人粗聲粗氣的男性感覺。由於Kitty留了長頭髮，平日又愛以喱士衫、低胸裙衣着現身片場，加上面上化妝及胸口上的頸鍊首飾等女性化裝扮，難以想像「她」是一個雄赳赳的男警。

有不願透露姓名的劇組人員表示：「我掂過Kitty隻手，發覺都幾粗糙，同佢個人咁溫柔有好大contrast（對比），我印象最深嘅係佢雙眼，佢對眼好似好想話畀你知咁，佢好女仔。Kitty同普通女仔冇分別，感覺幾舒服，我冇覺得Kitty好odd（奇特），反而覺得佢好斯文、大方。」

這位劇組人員更對Kitty爭取做個真女人表示支持：「我曾經擔心Kitty驚我唔知點睇佢，但同佢傾過偈之後，知佢接呢部戲唔係為噱頭，而係有message（訊息）想表達，我覺得佢放棄咗好多嘢，仲好坦然咁面對各界，我respect（尊重）佢呢份勇氣。」