中國銀行明年一百歲生日，鋼琴王子李雲迪前晚喺灣仔會展開咗場《李雲迪紅色．浪漫演奏會》，亦係今年首個以鋼琴表演中國音樂嘅演奏會。演奏會分為上下兩場，上半場為蕭邦音樂，下半場為中國音樂，佢哋特別搵咗○八年中國奧運開幕式代唱嘅楊沛宜嚟伴唱，悉心打扮嘅楊小妹妹嘅表現亦令人眼前一亮。
李雲迪開大騷，其父親亦一早現身到場為愛兒打氣，捧場嘅仲有旅遊發展局主席田北俊夫婦、前九巴董事長陳祖澤夫婦、英皇集團主席楊受成、商人董建成夫婦、名媛張王幼倫等。
李雲迪全情投入演奏，琴藝迷倒現場觀眾。
楊沛宜由幕後走到幕前親身獻唱。
