SUN世代：逐件珍品記錄存照備份五次
對於收納物件，每個人都有自己一套習慣，Francis就喜歡為每件物件寫下記錄，例如書本首頁會寫下購買日期地點，相片檔案存放在五個不同記憶體，部分沖曬出來，於首頁寫下註釋，發出的文件亦會留下副本，他打趣說：「情書都會留一份底，第日可以睇番寫過咩嘛。」
「心中會有一個思路，有個脈絡，可以將唔同資料串聯一齊就唔會亂。」有些人喜歡用記事本記錄所有資料，Francis則喜歡將事情分散記在物件中，而日記、網誌等文字記錄更不是Francis心中杯茶，他說：「日記初初寫幾開心，但日子耐咗就會為寫而寫，無咩意思，而不是情感表達。我感情多數埋喺心底，可能我優點係好記性，喺心底就可以隨時攞出嚟細細回味。」
Francis表示，古董有極大升值潛力。