政壇：政商定格：彭芷君蒲老蘭倒數
移居加拿大嘅青聯副主席Gigi彭芷君，趁聖誕假期同老公及囝囝返港感受香港嘅歡樂氣氛，佢仲急不及待約埋青聯一班手足飯聚，包括賢慧社主席Anthea羅詠詩、名媛榮文蔚表妹兼賢慧社副主席鄭詩韻同陳恩栢，連護膚品名牌ESTEE LAUDER嘅品牌總經理周雯鳳都喺度，靚女們一邊歎美食，一邊研究扮靚心得，傾得好開心。
Gigi話元旦過後就會返加拿大，所以要把握時間同好友們歡聚。佢嘅行程已排到滿晒，除咗同Anthea等賢慧社主要成員開會討論明年嘅工作重點，仲會約埋兄弟姊妹們去蘭桂坊舉杯倒數，迎接新嘅一年。
彭芷君（前中）等靚女交流扮靚心得。前左為羅詠詩、前右為周雯鳳，後排左起：鄭詩韻、陳恩栢。（受訪者提供）