資深銀行家Stanley黃遠輝退休就嚟四個月，至今已外遊三次，分別係隨城規會考察團去西班牙，之後就去咗張家界遊山玩水，最近就去咗昆明打高爾夫球，下月又再隨城規會返內地城市考察。
佢話近期睇咗唔少書，由歷史小說到傳記等通通唔放過。佢仲諗住再讀書，可以畀佢踩單車返校園嘅中大係選擇之一，目標都係有關歷史同文化嘅科目，理大有關中國文化嘅課程都好吸引佢，揀好科之後，最快出年九月就重返校園啦。
全心投入公職嘅黃遠輝，暫時無意再接受一份全職工作。（資料圖片）
