SUN熱辣：聽水聲判犯規難服眾
「乜裁判唔係用眼睇，而係聽水底啲聲？」今年學界游泳比賽的選手曾同學指出，他在十月底參加葵青區中學分會校際游泳比賽男子甲組個人四式比賽，原本奪冠卻被取消資格：「負責監察選手轉身嘅裁判話我蛙式轉身時，唔係雙手同時拍打水底池邊嘅記時板，但我問佢點證明，佢話聽到水底嘅聲喎！佢根本唔係企喺我條線前面，同埋點解唔用雙眼判斷？」
曾同學被取消冠軍資格，已是無法改變的事實，不過，這宗懷疑誤判事件，惹起本港多名游泳選手關注。前香港泳隊成員司徒瑞祈說：「一般係企水線池邊望住個動作，從未聽過有裁判咁樣裁定犯規！我要叫學弟妹小心啲，原來咁都犯規！」前港隊女飛魚蔡曉慧也愕然：「吓，姑勿論轉身裁判聽唔聽到，但裁判應用眼睇，四周咁嘈點聽到？」