政壇：小伏媽咪來港體驗做冬
跳水王后伏明霞自擔任小母牛愛心大使後，經常走訪內地嘅貧困山區，協助有需要嘅人。尋日佢就好及時咁喺貴州趕返香港，代表小母牛接收由電玩商捐贈嘅六十萬元支票，夜晚就同屋企人食飯過冬。小伏話內地係冇「做冬」呢回事，香港嘅節日就特別多，各有唔同嘅特色，例如今年嘅冬至，佢媽咪都嚟咗香港同佢一家一齊食飯，雖然做咗咁多年家庭主婦，過節餐飯都係唔使佢操勞，而喺冬至後小伏將會隨同家人去新加坡，過番幾日溫暖嘅聖誕假期。
小母牛明年去邊度探訪目前未有決定，小伏話若配合囡囡嘅假期，都會帶佢去山區睇吓，等佢知道國內仲有好多小朋友喺物資缺乏嘅環境生活，極需善長嘅幫助。
小伏做咗香港人至學做冬。