中華出入口商會青年部等八個年輕人組織日前合作搞派對，大家齊玩掟飛鏢賀聖誕，氣氛非常熱鬧。商會青年部主任李美辰一早到場打點，活躍於幾個青年組織嘅老公蔡德昇都形影不離傍到實。
有份合辦活動嘅香港青年聯會主席葉振都近排為咗會務忙到飛起，但佢愈忙愈開心，事關日前佢同副主席霍啟剛、常董莊家彬上電視傾閒偈，節目出街後引起好大回響，唔少低調嘅富二代主動現身話想入會添！
工總青委主任孫榮聰（左一）誠意撐場，李美辰（左二）、葉振都（右二）同陸雅儀（右一）開心飲杯。
