政壇：賀聖誕片煲呔曾被失蹤
煲呔曾喺舊年嘅聖誕節懶得意，諗住扮後生就同年輕人溝通到，於是同歌星MC Jin喺禮賓府拍短片，一路rap一路唱聖誕歌，佢就自high，但睇嘅人就覺得格格不入，條片畀網民惡搞成唔同版本。
今年唔知係煲呔曾有身邊智囊提醒，定係佢學精咗，特首辦喺facebook發出電子聖誕祝賀短片，內容講一個小朋友收到聖誕禮物嘅過程，寄語大家要珍惜身邊人，條片成分鐘都搵唔到煲呔曾個樣。唔通煲呔曾已撤離咗特首辦，只係大家唔知？抑或可能連特首辦入面都知道煲呔曾大勢已去，得番幾個月任期，費事再搞個人崇拜，所以今次專登「去煲呔化」？