SUN世代：衝破隔閡父子成摯友
當日朱爸爸的眼淚，不但令朱懷忠浪子回頭，更令兩父子的關係大大改善，「我以前覺得爸爸好惡，好少主動關心佢或者搵佢傾偈，但嗰次之後，我終於知道佢係幾咁錫我！」此後一有機會，他都會主動找爸爸聊天，既談工作也談生活。父親過往不苟言笑的一張臉，漸漸變得寬容。
現時，朱爸爸與朱媽媽開了一間小店，縱使兒子多番勸他們退休，享受生活，他們亦未有接受。回首往事，朱爸爸感觸良多，「嗰陣見住自己個仔變壞，真係好心痛，甚至曾經有一刻，諗過放棄佢，由得佢點就點。不過佢始終都係我親生，我同自己講，無論如何都一定要帶佢返正軌。」望着今天的朱懷忠，相信老父深感安慰了。
朱懷忠（圓圈示）在會計師樓工作期間，認識到他最好的朋友。