政壇：陳淑莊剪短髮尋求刺激

立法會議員Tanya陳淑莊過去一段時間嘅運氣認真麻麻，先係同拍拖八年嘅男友分手，前排仲喺區議會選舉中落敗失咗議席。可能受咗唔少打擊，尋日見到佢時大嚇一跳，跟咗佢十幾年嘅一頭長髮突然變咗短髮造型，唔通想轉運？

原來佢早就密謀揮刀一剪，尋日唔少議員見到佢個新look都好驚訝，好似陳偉業就以為佢有新戀情，嚇到Tanya即時耍手，話呢次純粹係「尋求刺激」啫。黃國健就大讚佢新形象後生咗二十年，張文光亦激賞佢嘅短髮，仲感慨男士剪髮不外乎「偷薄、剪短、快」五個字，及唔上女士咁多花款。

「Money18免費即秒股票報價網站」現推出8升級功能，財經資訊，實時實發！

陳淑莊（右）剪短頭髮，同「長毛」梁國雄成強烈對比。