SUN世代：公私分明女友照鬧

Leo口口聲聲說：「我唔使拍拖，我唔需要拍拖！」別以為他沒有女朋友，原來他早已「焗」出一段「蛋糕情緣」。數年前，他與女友在同一酒店的餅房任職甜點師傅，朝夕相對下互生情愫。現時女友更「嫁雞隨雞」，跳槽至Leo爸爸開設的餅店幫手，做Leo背後的女人。

Leo與女友志趣相投，均愛整餅，二人寓工作於拍拖：「如果我同OL拍拖，大家工作時間唔同，好難見到面。如果大家一齊工作，時間易就啲，又易溝通，可以互相體諒。」小情侶一同工作，總有意見不合之時，但仍無損二人的感情：「爭吵一定有，不過，最後我都啱晒，因為佢無我有咁多經驗！」女友在工作上犯錯，Leo仍無面畀，照鬧可也：「如果個個都鬧，只係唔鬧佢，人哋會覺得我偏心，所以佢有錯我都會照鬧，語氣仲重啲，好彩女友都明白係為咗工作，我哋放工就無事㗎啦！」

明日預告

太子女做工廠妹

─莊家蕙