SUN世代：「糕」手焗出父子情

這是關於蛋糕的故事。從前有個爸爸，每年都會親手做蛋糕為兒子慶祝生日，一做已經有二十七年。兒子打從心底裏被深深感動，亦因為這份心意，決心繼承父業，做個甜品師傅，這名兒子正是黃仲安。蛋糕維繫了黃氏父子情，他希望這份心意能代代相傳，有日能像爸爸一樣親手做蛋糕給自己子女。

不知不覺，黃仲安（Leo）入行整餅已有八年，為何愛上蛋糕？他說：「受爸爸影響！」Leo的爸爸黃耀文是著名甜品師傅，每年親手為Leo製作生日蛋糕，但Leo兒時卻不甚欣賞，反而心思思想食其他餐廳的蛋糕。過了一些日子，他漸漸愛上整餅，甚至立志做甜品師傅，有年暑假更到爸爸任職的酒店餅房做暑期工，親身體會做餅苦與樂。

爸爸名氣大 激發更努力

為向目標進發，Leo報讀西式餐飲課程，甚至選擇以甜品為專業：「爸爸知道我揀甜品都有反對，話行頭好窄，佢認為做西廚行頭闊啲。仲話第日開餐廳，我做廚房、佢做餅，可以一條龍做晒，不過最後佢知我鍾意做餅，都支持我決定！」Leo笑說，課餘後，爸爸還會突擊測試他，兩人經常一同整餅，交流心得。

滿以為Leo會與爸爸父子檔闖餅界，但他竟跳出來獨闖，走入山頂某餐廳做學徒，但做了三個月就另謀高就：「好多工作都夾唔到，我覺得做餅係要有心，但呢度成日畀人催出餅，我唔鍾意。」在爸爸支持下，○七年Leo進入某酒店工作，雖然爸爸是酒店餅房總廚，但他沒有獲得優待：「爸爸無偏心，有錯會好大聲照鬧！」

上陣不離父子兵，令Leo飽受壓力，箇中的辛酸鮮為外人能夠明白：「要做邊個邊個個仔，好大壓力，好怕人覺得我係靠爸爸，先有今日嘅成就，我唔想畀人覺得我乜都唔識，有今日只係靠關係！」正正係因為爸爸的名氣，Leo凡事都要比其他人更加努力，才不致遭受白眼，縱然聽到閒言閒語，他都抱着阿Q精神面對。

○九年，Leo爸爸在九龍城開餅店，為助他一臂之力，Leo決心跟隨；又幫手出謀獻策，上月他有份籌備的灣仔分店終於開幕。現時他為餅店九龍城分店的主管及製餅工場的主管，除整餅外，還要兼顧管理工作，又不時要思考新餅款，壓力大：「我唔會放棄，我希望幫爸爸分擔更多。」　

入行八年，Leo感受甚深：「初初入行，我諗過如果入行五年都唔可以達成目標，做到師傅仔，就會反省係咪入錯行！不過，好彩我都做到！我仲體會到爸爸當年親手整蛋糕畀我嘅心意，我希望將心意代代相傳，將餅店做到家傳戶曉，我仲希望可以親手整蛋糕畀我啲仔女食。」

Leo's Profile

現　　職：Patisserie Tony Wong餅店（九龍城分店）主管及總廚

婚姻狀況：未婚

興　　趣：踢波、整甜品

攝：關萬亨