政壇：何倍倩提前過聖誕氹囝囝
恒生新抱何倍倩今個月獲邀到北京領獎，明年一月又要去美國打理新店開幕，工作已填滿咗佢嘅時間表，由於囝囝唔可以同行，錯過咗同囝囝共度聖誕除夕同元旦嘅機會，所以佢決定提早過聖誕，早前特別到精品店同玩具店購買聖誕裝飾同聖誕卡。
佢話囝囝鍾意唱歌，所以準備買一個咪畀囝囝作聖誕禮物，兼且安排咗最少四個派對，令囝囝不愁寂寞。佢仲大談湊仔經，話囝囝每次見佢出門上班就表現得好唔開心，而教仔方法係從來唔會鬧囝囝，但當囝囝頑皮時，佢就會叫老公代為責備，等老公鬧完後，佢再氹番佢，加以安慰。
