政壇：工聯小花 結婚唔敢買樓
喺區議會選舉中成功擊敗工黨主席李卓人嘅「工聯小花」劉桂容，今個月初已經接受咗男朋友葛兆源求婚，預計喺一三年就會拉埋天窗。本身係荃灣區議員嘅源仔笑言，雖然今次求婚成功，抱得美人歸，但仲有置業呢關要過。
樓價高企令年輕人望樓興嘆，源仔同阿容呢對80後區議員都有呢個問題，異口同聲話暫時都唔敢去睇樓，打算趁仲有時間，兩個一齊積極儲錢，阿容又話來年首次做議員，好多嘢都未上手，所以暫時都唔會花時間籌備結婚，首要做好地區工作。
源仔今年中成為工聯會喺荃灣唯一嘅區議員，可以接手用上手議員嘅辦事處，但都搞咗佢幾個月喇；至於阿容仲慘，由於選區重新劃界，佢依家仲未搵啱地點設辦事處，幸好工聯會另一個區議員姚國威肯同佢共用辦事處，否則都唔知點服務街坊咁話。
設計圖片及對白