立法會旅遊界議員阿Paul謝偉俊對直選蠢蠢欲動早有所聞，各區佢都評估過，近日應該決定咗去九龍東。尋日佢出席鯉魚門海濱學校活化成創意中心嘅開幕典禮，動機已經好明顯，佢同KK黃國健、「橄欖」陳鑑林同場，如果唔講，仲以為佢哋已為明年立法會選舉拉緊票。
據聞阿Paul有強勁勢力撐腰，決定踩落九龍東，近期仲請多幾個議員助理，連辦事處地點都搵埋。聞說有關勢力已決定再次啟動「鼠王芬模式」，將地區鐵票暗中過畀阿Paul，總之KK同橄欖夠贏就得嘞。