社工：唔好隨便跟車

【本報訊】「過咗大時大節，梗有好多女仔中招！」資深社工陳鑑銘坦言，過去曾處理不少少女參與節日派對時，遭迷姦或強姦的個案。他指，大部分受害人事後因受驚而不敢報案：「好多時真係報警嗰陣，證據已經搵唔番。」

陳提醒，現時催情迷姦藥花樣百出，部分藥效強力者甚至「五分鐘就暈」，女士們慶祝節日時，應避免獨自一人參與私人派對，不應吃下剩餘的食物或飲料，離開時亦不要隨便跟車：「有啲女仔就係畀人車咗唔知去邊出事。」香港青年協會邊青服務督導主任陳文浩亦承認，以往曾有女士疑服食含有催情藥效的食品或飲料後被人性侵犯，故此他提醒少女在的士高或樓上吧消遣時要小心，並促請警方加強執法，留意此類出售含有催情藥效的產品網站。

臨床身心行為學家李寶能則指，時下少女性觀念日益開放，她們應陌生人邀約參與派對時，更會抱「唔在乎（發生性行為），睇你做得出啲乜嘅態度」。