SUN熱辣：美容常用填充物須專家醫生注射
愛靚唔愛命，注射透明質酸引致面部出現感染情況，更隨時患上敗血症而喪命。本港整容外科醫生指出，透明質酸流行已久，為美容中常用的填充物，但必須由專業人士或醫生注射，倘在注射過程中出錯，將危害性命。
「透明質酸喺美容界好普遍，主要用喺面部凹凸位上，令面部輪廓靚啲，例如整高個鼻，或者係減淡面部嘅皺紋。」整容外科專科醫生李天澤指出，透明質酸頗為常用，但由於須注射至皮下組織才能發揮作用，故必須由專業人士或醫生進行注射。
另一名整容外科專科醫生朱文楷更說，注射工具未經消毒，或注射位置出錯，接受注射人士隨時有生命危險，他說：「輕則會喺注射位置生膿瘡，如果用未經消毒嘅工具打入血管，細菌就有機會入血，隨時患上敗血症，嚴重嘅甚至會死亡。」
幫襯有牌美容院
唐小姐（廣告從業員）：「唔應該亂咁打呢啲嘢，如果要打都要搵註冊醫生同有牌嘅美容院，咁會安全啲，有保障！」
幫襯有牌美容院
馬小姐（文職）：「聽落都好恐怖，我唔會試自己打，因為好唔安全，好怕受感染，最好都係幫襯有信譽嘅美容院。」