政壇：政商定格：羅詠詩獲父賞百萬鑽錶
香港青年聯會日前舉行聖誕派對，賢慧社主席羅詠詩（Anthea）戴住最新款Cartier限量版Feline百萬鑽錶出席，戴住靚錶嘅Anthea笑得甜絲絲，心情好靚，原來隻腕錶係Anthea爸爸贈送嘅聖誕禮物，犒賞愛女經營精品酒店有功。
Anthea原本係財經界專業人士，後來加入父親創辦嘅萬通集團出任董事，去年佢睇好遊客對本港酒店嘅需求強勁，大膽購入油麻地砵蘭街一樓盤，斥資二千萬元裝修後，全新嘅精品酒店「M酒店」投入營運，一年過去，入住率比預期中理想，難怪佢又斥資一億元買入灣仔慶雲街一個地盤，打算重建為一幢有七十八間房嘅精品酒店。
羅詠詩成功打造精品酒店，新一代「酒店女王」呼之欲出。
羅詠詩戴住令女士心醉嘅Feline de Cartier腕錶。