市建局主席張震遠因瞓身幫老友梁振英助選，早前暫停市建局嘅工作，尋日政府公布委任公務員薪俸及服務條件常務委員會委員，佢又榜上有名，不過，今次佢嘅任期就比其他委員遲，延至明年四月一日才生效。
公務員事務局發言人話，之前接獲張震遠書面申請請假，由上個月底至明年三月二十五日，暫時停止履行港府委任嘅公職，佢哋尊重張震遠，所以委任薪常會成員時，就將張震遠嘅任期延後咗。