on.cc 東方互動主頁

SUN世代：教育中心媒人有鋪創業癮

如果創業是一輛火車，秦仲宇肯定是忠實乘客。九十年代至今，秦仲宇多次創業，試過長驅直進，試過停站再起步，他形容每步都是經驗，此際他設立全港首創的ClassBooking，化身家長與教育中心之間的「紅娘」：「希望有日可以家傳戶曉！」

秦仲宇說體內有種毒，毒癮發作時，正好有新搞作出品：「鍾意創業到就好似中毒！」他自幼愛創意，喜歡將單車配件重新拼砌：「我仲會將砌好嘅單車，喺超市告示版貼紙賣出去！」

小學品學兼優，他升讀名校，豈料考第尾收場。「父母教書，好保守好規矩，但我反叛，就算阿爸教我間中學，我都唔願讀，逢假日，專吼父母未起身就拎單車出去玩，好想獨立。」中四時，父母送他到澳洲，重新開始，終於，成個人正常番！」

學成回來後，他在科技界大展拳腳。肚內的創業癮發作，他在九十年代擬創業搞電訊，但時機未成熟，故將新計劃拉倒，繼續打工，走遍港台及歐洲等地工作，到了○一年決定停下來：「喺歐洲經常出差太頻撲，於是決定移民加拿大。」

愈受打擊意志愈強

一去七年。秦仲宇在加國安頓後，開設集售賣玩具及培訓兒童於一身的學習中心。隨學生漸多，生意漸好，他看到危機：「小生意唔覺o架，但當愈多班，行政就愈繁複，我既然係IT背景，不如寫簡單程式做管理。」這套系統，就是ClassBooking的前身。

ClassBooking是他○九年十二月在港創立、協助教育機構管理業務的系統。為何無端回港？原來在加國七年後，其父中風使其回流，在科學園一公司做總經理。年半後，創業癮又發。

他在報紙見到數碼港資助項目，並申請成功。解決資金困難後，他努力拉客。目標顧客是教學及課外活動中心，提供管理系統，並在網站設立擺放課程資料的平台，讓家長搜尋課程不再瞎子摸象，並可分享經歷，家長更可與老師在網絡互動，收發訊息。

他更親臨教育中心叩門，吸引百多間試用，雖然好評如潮，但有苦自己知，「試過有啲教育中心，送都唔用，有啲就擺完資料但唔積極用。」打擊激發個人意志，他積極改良系統，繼續宣傳，版圖漸大，尤其大受因參與團購而客人激增的公司歡迎。業務順利，他回饋社會，為志願機構提供免費服務，「想佢哋慳番管理課程嘅資金同時間，做更多社區服務！」如此良心老闆，並非人人做到。