選委會已誕生，喺衞生服務界更罕有地出現姊妹檔一齊當選，佢哋就係十大傑出青年Scarlett龐愛蘭同佢相距三年嘅妹妹龐美蘭。Scarlett本身係執業藥劑師同沙田區議員，相信好多人都知，但佢妹妹龐美蘭做乜嘅呢？原來係任職器官捐贈主任。
從未接觸過政治選舉嘅龐美蘭，喺家姐Scarlett鼓勵下，首度參選就成功當選業界選委。Scarlett仲話，佢同妹妹都好支持有競爭性選舉，所以唔排除支持唔夠票嘅參選人入閘喎！
龐愛蘭同妹妹龐美蘭，雙雙當選為衞生服務界選委。
