康泰旅行社前一姐Susanna劉美詩久休復出，本月初効力上市冇耐嘅專業旅運，出任市場及業務發展總經理。佢休息咗一年零兩個月先轉新工，已過完康泰要求嘅「冷河期」嘞！佢又話過去冇同前老闆鬧交，所以日後喺工作場合碰面都唔會覺得尷尬，佢仲喺返新工前同前老闆「單聲」添！Susanna話係認識咗好耐嘅專業旅運老闆娘高鄭杏芳邀請佢加盟。