香港台灣工商協會前日舉行聖誕嘉年華慶祝成立十九周年，場內見到瑞士銀行執行董事Grace余皓媛，傾開先至知原來佢爺爺係「糖薑大王」余達之。
余達之個名響噹噹，九龍塘通往又一村嘅必經之路「達之路」，正係紀念佢而命名。事關余達之當年力主華人應有高尚住宅區，故發起成立又一村建設公司，對該區嘅發展功不可沒。
台北貿易中心總經理劉錫威同鄉親夾Band高歌，華航亦專程派旗下一名媲美名模白歆惠嘅靚空姐獻唱，為晚宴掀起小高潮。
協會會長王乾麟夫婦（左）與余達之孫女余皓媛（右二）開心合影。
