十一月十一日係結婚嘅好日子，啱啱過去嘅十二月十二日又係乜嘢好日子呢？咪係淘寶囉，淘寶網喺嗰日舉行「雙12全民瘋搶」，佢哋公布嘅數字真係有啲瘋狂，一日內竟然做咗43.8億元（人民幣．下同）嘅生意，破晒紀錄。大老闆馬雲肯定開心到飛起。
喺呢43億生意入面，10億係女裝產品，男裝一半都冇，只有4億，母嬰、家居、數碼產品、鞋類，分別有3.7億、5億、4.8億、3億元。阿里集團旗下嘅淘寶網，早前同小商戶搞得不愉快，呢次活動正好沖喜吓。
淘寶網生意額破晒紀錄，馬雲肯定好開心。（資料圖片）
