SUN世代：做義工教用電腦 幫婆婆視像會友
工作上離不開科技，回到家中，Chester依然與科技不可分割。他笑言，科技早已成為他生活的一部分，「放假同屋企人去玩，都會上網搵定資料，睇吓邊度好玩，或者邊度有好嘢食，有時又會留番係屋企，同仔仔囡囡打機。」
與電腦「相知相交」二十載，Chester與電腦有過很多不同經歷，而令他感受至深的，則要數他到老人中心當義工，教授長者使用網上通訊工具的經歷，「有啲老人家對科技一無所知，我哋幾分鐘完成到嘅嘢，可能佢哋要花成半個鐘先完成。但當見到有位婆婆，成功透過webcam見到老朋友，我就覺得好感動，亦都好深切感受到，科技係點樣拉近人同人之間嘅距離。」
到老人中心教授長者用電腦，令Chester感受至深。
熱愛跑步的Chester，上月底與一對子女參加一個慈善長跑活動。（受訪者提供）