政壇：政商定格：羅可旋生完第四胎收工

懷咗第四胎嘅名媛羅可旋尋日出席一個聖誕芭蕾聚餐時話，兩個囝囝都有份表演：「佢哋扮老鼠仔，係茄喱啡。」又話兩個囝囝冇學芭蕾舞，囡囡就以前學過，但唔鍾意，因為性格比較男仔頭同活潑。咁湊佢哋辛唔辛苦？佢話三個仔女會互相消耗大家嘅體力，所以唔算太辛苦。佢又透露下年三月就生BB，係囝囝嚟，生完就真係收工嘞，因為要教小朋友要花好多時間。對於有指龍B會好聰明之說，佢話：「唔會啦，中國人迷信啫，唔通龍年出世啲人個個都叻咩。」

「Money18免費即秒股票報價網站」現推出8升級功能，財經資訊，實時實發！

羅可旋（左）同負責芭蕾劇統籌嘅傅潔恩（右）言談甚歡，兩人嘅小朋友亦有份參演。