舊年疑因求愛不遂而怒炒女助理嘅立法會議員甘乃威，最終要立法會展開獨立委員會調查。委員會做份報告做到天荒地老都未做完，甘威早已當冇事，尋日仲拖埋老婆入馬場。
甘威份調查報告由前年開始，查到現時都冇乜下文，估計內容都係冇乜殺傷力。但自從出事後，甘威好多場合都帶埋老婆出嚟以示恩愛，尋日就係一個例子。甘太望落去似係飽滿咗，兩個人喺看台睇賽事時都手翹手，似乎感情比以前仲好，冇受甘威對女助理「有好感」事件影響。
甘威同太太翹住手睇賽事晒恩愛。
