趙式芝以主人身份出席旗下嘅手袋品牌活動，除咗密友Sean外，唔少圈中好友亦到場支持。問到式芝有冇探望弟弟趙式浩個囝囝，佢大讚姪仔可愛，更笑言爸爸趙世曾好開心，更送現金畀孫仔做禮物。問到弟弟同女友Winnie幾時註冊，佢只係話：「佢哋會有安排。」會唔會學爸爸唔結婚？佢就話：「Daddy係另一回事，我覺得最重要係佢哋開心，唔需要一張紙。」而媽咪姚煒亦有嚟撐場，笑指女兒唔畀佢拎其他品牌嘅手袋，仲要自掏荷包購買，但就享九折優惠。
趙式芝話爸爸趙世曾送現金畀孫仔做禮物。
