香港係世界第二大玩具出口地，玩具協會同玩具廠商會、貿易發展局等合辦咗一個跨越百年，歷來最大型、為期三個月嘅玩具博物館展覽，展出一千件不同年代香港製造嘅玩具，周五便開鑼，市民可往將軍澳香港知專設計學院免費參觀。搞手之一嘅玩具協會主席丁煒章講起幼時玩具，透露曾經珍藏《星球大戰》一套模型。至於家中嘅八歲囝囝，佢就會揀啲教育性強嘅玩具畀囝囝，好似大富翁、飛行棋咁，鍛煉兒童思維。
丁煒章好期待去玩具博物館展覽，重溫童年時玩過嘅玩具。
玩具博物館展覽將展出一千件不同年代香港製造嘅玩具。（玩具協會提供）
