政壇：政商定格：莎姐農曆年四度做外婆
自由黨副主席周梁淑怡（莎姐）快將第四度做外婆，莎姐細女周智琪下月會生第二胎，智琪○九年中已誕下一女，今次會否追番個男丁？莎姐話啲後生鍾意有驚喜，所以至今仲未知肚裏面嗰個係仔定係女喎！智琪嘅預產期撞正農曆新年，呢個年對於莎姐來講一定好難忘。莎姐同黨友田北俊一樣，自○八年離開立法會後樂得輕鬆，見親面都係大談湊孫經。田少講到湊孫就猛呻，乖孫晉仔仲忙過佢，要「排期」到農曆年先至可以一齊出外滑雪，佢仲話，有時為咗見孫仔一面，成日要揸車四圍騰。
周梁淑怡（左）嘅細女周智琪（右）下月會生第二胎，未知屬兔定屬龍。（資料圖片）
田北俊要「排期」到農曆年先至可以同孫仔一齊出外滑雪。