SUN熱辣：掛名會所Cafe走法律罅

酒吧牌照一般較會所牌照難申請，有人為繼續經營，改用其他方法游走法律灰色地帶。先有樓上酒吧以「Cafe」為名，實為酒吧模式經營；另有未成功申領酒牌的店舖，以「申請進行中」之名義繼續經營；更有人承辦已有酒牌場地，變相毋須申請，即可接手經營；亦有人索性甚麼牌也不申請，不掛招牌只做熟客生意。

場內索K隊咳水

根據酒牌局既定政策，申領酒牌場所前須得到食環署署長所簽發的正式或暫准牌照，局方才考慮申請；至於會所酒牌申請，則只須民政事務總署發出《合格證明書》便可申請。現時全港約有四百間樓上酒吧，但由於申領酒吧牌照有一定難度，所以有商人改以其他經營手法，如申請會所牌照營運，以減少執法人員巡查機會。

油尖旺區議員許德亮謂：「有啲打樓上Cafe旗號，一次過申請埋酒牌同卡拉OK牌，但根本性質同酒吧無分別，有啲仲有舞池。」許擔心警方見招牌為Cafe，可能會管制較鬆，巡查較少。此外，酒牌局審批酒牌中，要求街坊與酒吧老闆對質的做法，令街坊卻步，有問題酒吧因而順利續牌。

「除非間舖賴過嘢，如果唔係呢啲樓上舖好少會有差人巡查，所以每逢入夜，都成為咗口靚仔口靚妹嘅蒲點，好似油尖旺啲樓上夜場咁，不少場會有人喺度飲咳藥水、索K，甚至有拆家喺場內賣K仔畀熟客，等佢哋即買即食即high。」一名知情人士透露，「啲差人嚟就扔（K仔）落地，捉唔到邊個有，場主就推說話係場外人帶入嚟。」

至於另一方法，則是承辦部分經營不善的樓上酒吧，易手轉名繼續經營。一名不願透露姓名的酒吧老闆指：「部分夜場被警方冚咗，場主便會即時放風，搵啲樓上酒吧老闆傾頂手，接埋佢哋個酒吧牌，便可以即刻開檔，繼續搵錢。」

該名酒吧老闆補充：「有人乜牌都唔攞，門口又唔掛招牌，根本唔喺查牌名單上，加上只做熟客生意，一樣有大把人幫襯。」