玩具大王兒子蔡加讚同胞姊蔡加怡前晚一齊出席手錶活動，問到聖誕點過，兩姐弟都話公司陸續喺內地、香港同外地會有十多間新店開幕，由於希望事事親力親為，所以聖誕都要喺工作中度過，新年至會有假放。
其中加讚被問到女友圓圓有冇投訴？佢話：「佢冇投訴，佢都好明白，佢自己都會同屋企人去北京旅行呀，我諗之後至慶祝番，買禮物我都唔記得咗。」記者笑問佢可會邀請圓圓出席其新店開幕？他即笑住話：「睇佢賞唔賞面啦！」咁佢出席活動嘅費用會唔會收貴啲？佢話：「唔會，佢對我好好嘅！」
蔡加讚同胞姊蔡加怡一齊出席手錶活動。
