熱愛異國文化嘅工業總會主席阿Roy鍾志平，早前帶隊考察以色列。呢個地方佢一直未有時間去，今次公幹兼旅遊，一舉兩得。
阿Roy話當地太平到極，連保鏢都唔使請。到底以色列有乜商機值得發掘？原來當地生物科學技術發展成熟，商機處處，佢帶隊參觀多間生物科技公司，大開眼界。考察完畢，眾人爭取機會四圍逛，當然唔少得到訪世界聞名嘅死海。佢一馬當先換上泳褲跳入死海，將死海泥搽滿身，變成「泥漿人」。佢話講都唔信，死海泥敷完一陣，成身又白又滑，睇落後生晒。
嚟到死海，鍾志平唔執輸勁敷死海泥美容。（被訪者提供）
