政壇：政商定格：趙式和胡煒以畫結緣

趙世光千金趙式和尋日以老闆身份，出席上海工筆畫家胡煒喺香港首次舉辦嘅畫展，佢透露因為媽媽何琍琍嘅關係，由九九年開始同胡煒熟絡，又話：「嗰時我去上海幫媽咪籌備餐廳，媽咪睇中佢嘅畫做餐廳壁畫，我真係love so much佢嘅畫，我哋係好朋友，有互相出席對方嘅婚禮。」佢又話今次嘅畫展籌備咗約四至六個月，加上胡煒係大學教授，平日比較忙，所以對今次合作，佢覺得好榮幸。

另外，佢又透露喺家姐趙式明三十歲生日時，買咗胡煒嘅畫作送畀家姐做生日禮物，以「雀鳥飛在樹枝上」作為構圖。

「Money18免費即秒股票報價網站」現推出8升級功能，財經資訊，實時實發！

趙式和（右）尋日出席上海工筆畫家胡煒（左）喺香港首次舉辦嘅畫展。