政壇：羅詠詩宣傳交通安全
好多人都鍾意制服團體活動，交通安全隊西九龍總區成立十五周年，尋日喺跑馬地馬會會所舉行慶典暨長官就職禮，今屆有唔少生力軍，譬如香港青年聯會賢慧社主席羅詠詩（Anthea）、鐘錶業總會副主席張繼東等一眾年輕人，尋日大家着住制服，好有隊形噃！
Anthea係跟香港青聯副秘書長何國禮及司庫林志偉嘅腳步加入，林志偉係署理助理總監，何國禮就係總隊監，佢哋帶埋Anthea一齊將服務青年嘅熱誠延續到宣揚交通安全工作，認真唔話得。服務咗十二年嘅鐘錶業總會前主席梁青華，再度獲委任為西九龍總區指揮官。
羅詠詩（中）跟隨林志偉（左）及何國禮（右），成為交通安全隊生力軍。
梁青華再度獲委任為交通安全隊西九龍總區指揮官。