區議會選舉中，唔少政壇老將都畀新丁踢走，黃大仙竹園北選區嘅八十後丁志威（Roy）以大比數擊敗當時任社民連主席嘅陶君行，令出身富二代、要幫手打理龐大家族塑膠、珠寶及製衣等生意嘅阿Roy備受矚目，佢話選戰係一場君子之爭，並冇火藥味。
依家做緊珠海市政協委員嘅阿Roy，亦係中華廠商聯合會青年委員會委員、促進教育基金會理事，有傳今次勝選係商會、社團喺背後撐腰，阿Roy連番否認：「當時已經有八十幾個街坊自願組團幫我拉票，我直頭叫商會啲人唔好過嚟添呀，我唔想利用政治影響力。」
丁志威（左）當選區議員之後工作繁忙，幸得太太（右）全力支持。
