政壇:富貴黨改用通花黨徽

區議會選舉之後,各大政黨都極速將目光放到來年立法會選舉上,自由黨收復中西區山頂失地,又贏得多個議席,更重新設計嶄新嘅黨徽示人。該黨嘅新黨徽係由兩個藍色同綠色圓環緊扣而成,最近我哋見過富貴黨榮譽主席田北俊同副主席「莎姐」周梁淑怡嘅卡片,原來個黨徽仲有革新嘅通花設計,而且兩人嘅卡片仲係唔同質地添!

莎姐張卡片都係以一般質地印製,但田少嗰張就好薄身,感覺輕飄飄,一陣微風都吹得起。田少話除咗袋住自由黨卡片外,仲有旗下公司及旅遊發展局主席張卡片,佢間公司「萬泰」嘅卡片同樣係薄質設計,但就好似十元紙幣咁以塑膠製造,唔怕濕水,亦唔怕風雨。

「Money18免費即秒股票報價網站」現推出8升級功能,財經資訊,實時實發!

周梁淑怡(圖)同黨友田北俊張卡片上嘅黨徽係通花設計。