SUN世代：為妻開餐廳客人做少爺
一向做開意大利菜，但去年Tony突然轉軚開設星馬餐廳，原來是出於一個愛字：「太太好鍾意食海南雞飯，所以為佢開咗呢間餐廳！其實海南雞飯喺香港真係有巿場！」鑑於本港缺乏中價「非茶餐廳式」的海南雞飯，加上他認為本港出品海南雞飯並不正宗，故希望為食客提供一個全新的體驗，才開設「海南少爺」。
提起店名，Tony說：「好多人以為『少爺』係指我，但其實『少爺』係指我啲客人，我希望客人全部都可以做到少爺，體驗少爺級待遇，所以間舖嘅裝修，都係以少爺屋企為主題，有鯉魚畫、有山水畫、有雀籠裝飾、有陶瓷燈罩！」他希望以特別裝修再配上特色菜式，帶給客人「少爺」感覺。
Tony（右）不時與員工搞聚會聯繫感情，獲員工激讚為好老闆。