政壇：吳苑清跳舞收身練纖腰
海天堂以做龜苓膏起家，原來仲發展埋藝術事業，由老闆吳耀明太太趙鳳儀擔大旗成立「海天藝術學院」，愛女Catherine吳苑清就做藝術總監，母女齊喺標準舞(ballroom)上大展亮麗舞姿。
Catherine喺英國讀完大學返港，二十幾歲先學跳舞，卻在短短幾年間不斷獲獎，全因得到媽媽遺傳舞蹈細胞。咪睇佢依家擁有一條蛇腰，原來佢喺外國留學期間身形暴脹，返港之後畀朋友笑佢肥，於是的起心肝跳舞收身，終於變返窈窕淑女。
除咗舞蹈界，Catherine仲活躍於社會公職，舊年成立青年智專，匯聚「海歸」派、本地同內地各界青年，搞唔同類型活動，為會員增值同擴闊年輕人視野。
吳苑清（左）跳舞收身，成功減磅，舞姿不知幾妙曼添。（吳苑清提供）