平日好少提到屋企嘅運輸及房屋局局長Eva鄭汝樺，連個名都冇冠以夫姓，但佢尋日出席電車公司新型號電車啟用禮時，竟自爆年輕時喺港大讀書，佢男朋友嚟搵佢後，大家就一齊搭「叮叮」由西面總站去到東面總站，慢慢拍拖談情。到咗依家，當時嘅男朋友已經變咗老公，仲有兩個女，佢哋都時不時喺星期日晏晝一齊搭「叮叮」享家庭樂。
Eva仲特登提醒電車公司董事總經理夏睿德，千祈唔好換走電車個「叮叮」，否則令香港人冇咗集體回憶，好多人都唔會「肯過」電車公司㗎喇。