梁振英七次暗寸唐英年內容

（１）臨選先落區

「唔係話有咗選舉，做咗四年零九個月先至落區，香港啲區幾百年都存在，施政啲態度好重要。」、「落區到戶唔係話安排咗攝影師，去唔同人嘅屋企坐吓，發張相畀媒體就得。」

（２）潑年輕人冷水

「過去兩三個月我喺社會上非常、非常反對有啲人經常潑青少年冷水，講啲負面嘅嘢，我覺得非常反感。」

（３）Hea住靠父蔭

「做專業同做生意唔同，無得繼承，你要靠自己努力，唔可以hea吓hea吓就繼承咗阿爸嗰盤生意。」

（４）為商界服務

「有意參選行政長官嘅人，佢嘅服務對象唔可以淨係社會上某啲階層嘅重量級人物，而係整個社會。」

（５）反駁贏硬論

「被誇獎嘅人能力係點，過去十幾年大家係有目共睹，而過去幾個月大家睇得更加清楚，市民心中自有公論。」

（６）換公關無用

「我哋嘅公關做得好好，我相信兩個公關隊伍做出嚟嘅效果係分得出。」

（７）蠢人難治港

「依家社會上有個講法唔係好健康，話行政長官嘅能力唔需要好強，甚至可以係一個蠢人，只要身邊有叻人就可以，我覺得呢個講法同社會大眾嘅要求唔一致……行政長官本人嘅能力係重要，但佢嘅團隊無論幾優秀，能力幾強幾好都好，都唔可以取代行政長官本人嘅能力。」