SUN熱辣：胡亂放生祈福變作孽

放生動物能夠催運？堪輿學家麥玲玲指出，放生是祈福的一種，希望通過行善來增加福德，達致趨吉避凶的效果，特別適合官非纏身的人，但胡亂放生則可能祈福不成反作孽。

「放生動物係積德，如果個野外環境根本唔適合嗰種動物，咁仲放生一定唔好喇，好似以前有人放生咗一大批觀音雀，但結果全部死晒，所以放生前要諗清楚，如果放生嘅動物會影響生態咁就唔好亂咁放生嘞。」麥玲玲表示放生時需要顧及動物和環境。麥玲玲認為：「放生應該揀就嚟成為刀下亡魂嘅動物，如果隻動物根本係捉嚟放生嘅，放嚟都冇意思！同埋放生咗咩動物以後就唔可以再食佢(o架)，例如放生過水魚，以後就唔可以食水魚，咁先可以積福。」麥玲玲建議市民可在自己的農曆生日或初一、十五時放生。

飼養之前要諗清楚

林先生

「啲人養魚做寵物之前應該睇番自己能力，唔好養咁大嘅魚，如果唔係日後放生啲魚會麻煩到政府，更加會破壞水塘嘅生態環境。」

文小姐

「大家應該盡吓責任，唔好喺水塘隨便放生啲魚，有唔係香港本土嘅魚，放入水塘咪會影響原來水塘入面嘅魚種囉。」