政壇：翁狄森傳揚勤儉儲蓄
本地著名珠寶設計師Dickson翁狄森日前喺尖沙咀半島酒店重開嘅LIFE OF CIRCLE旗艦店，推出豬仔錢罌首飾系列，傳揚中國人勤儉儲蓄嘅優良傳統。
Dickson話，設計呢啲豬仔首飾嘅靈感，係嚟自兒時擁有嘅豬仔錢罌，令佢學識儲蓄，所以想將儲蓄嘅觀念延續落去。今次豬仔首飾係法國製造，手工、用料都特別靚，而兩種唔同嘅設計，分別代表富裕同平民家庭，每個家庭只有媽媽同囡囡，獨欠爸爸。Dickson話社會上有唔少單親媽媽自強不息獨力養家，呢套豬仔就正正歌頌母愛嘅偉大喎。
●翁狄森設計豬仔錢罌首飾系列，靈感源自兒時回憶。
貴氣版豬媽媽，身上鑲有三百幾粒鑽石，價值不菲。