政壇：沈祖堯說學生捐橫財
唔少人已收到政府派嗰六千蚊，對貧苦大眾嚟講，六千蚊當然唔嘢少，但對大部分大學生嚟講，呢筆錢可能只係令佢哋多咗錢使啫。香港中文大學校長沈祖堯就喺網誌呼籲大學生或大學畢業生將筆錢捐畀有需要嘅人，咁做除可幫到有需要嘅人外，仲可以令自己感受到何謂「施比受更有福」喎！
沈校長話中國雖然經濟起飛，但隨之而嚟係好多人都加入瘋狂消費嘅行列，去宴會啲山珍海味多到食唔晒，名店前排晒長龍買貴貨亦屢見不鮮，好多國民已經失去傳統儉樸嘅美德。
香港又點呀？佢就希望港人，特別係大學生，諗諗自己嘅生活質素，大部分人嘅物質生活都超出實際需要。佢希望大學生將政府派嘅六千蚊捐出，原因就係儉樸生活令人快樂。